řapeřînî çewsawan le êran yek řapeřîne, dabeşkirdnî beser êtnîyekan hengawêkî dije-şořşaneye!

bo ewey řapeřînî çewsawan le êran wek řapeřînî çewsawan le surye (2012) negořdirêt be cengî mîlîşyayî   ayînekan û êtnîyekan, pêwîste le mêjûy xebat û berengarî ezmûn weribgrîn.

êsta ke de saɫ beser cexmaxey řapeřînî çewsawanî sûrye têpeřîwe, mêjû bo ême selmandiwe, gwořînî řapeřînî cemawerîy û komeɫayetîy be cengî mîlîşyayî û bořbořênî řamyarîy řewte řamyarîyekan, zemîney behêzbûnewey dije-şořş lebardekat û řapeřîn degořêt be gemey řamyarîy dezge sîxuřîyekanî zilhêzan û kompinanîye cîhanxorekan û berpakirdnî ḧemamî xwên le řêgey cengî mîlîşyakan wek deskelay dewɫetanî nawçeke.

bedaxewe le řapeřînî çewsawanî tuns taku surye û yemen dije-şořş twanî be berizkrdnewe û pîrozkirdnî aɫay dewɫet û çekdarkirdnî řapeřîwan řapeřînekan bigořêt be amrazî cêbecêkirdnî nexşey zilhêzekan û kompanîyekan, cengî de saɫey nêwxoyî surye û yemen zîndûtrîn nimûnen, ke bûn be gewretrîn bazarî çekifroşî.

herçende êran le komeɫêk herêmî êtnîy û ayîn cyawaz pêkhatwe û xonîşandan û nařezayetîyekanî pêşû be corêk beser ew bûne řamyarîy û kultûrîyane beş bûbuun, beɫam em care bepêçewaney pêşû, wek řapeřînî 1979 çewsawanî êran wek yek ceste řapeřînewe. ewe erênîytirîn û diɫxoşkertirîn werçexan û heɫkişanî têkoşanî çewsawanî êrane, ezmûn wergirtne le mêjûy çwar dehey řaburdû, nîşaney xohuşyarîy çewsawanî êrane.

beɫam wêray hemû diɫxoşîyek bew aste le xohuşyarîy çewsawan, hêşta nabêt yek çirke le metirsîy pilanekanî dije-şořş (ḧikumet taku şaxwazan û nasîwnalîstekan û selefîye sunnekan) xafiɫ bibîn. eger be wirdîy kardanewe û heɫwêstekan le nêwxo û derewey êran senc bideyn, bedaxewe, lêre û lewê heweɫekanî dije-şořş debîndirên, herçende seretayîn, beɫam hemû şitêk be seretayek beřêdekewêt, gořînî řapeřînî çewsawanî surye be cengî mîlîşyayî de saɫe û wêrankirdnî şarekan û gundekan û gořînî řapeřîneke be ḧemamî xwên bo çewsawan, le yek teqe û le hewɫêkî seretayyewe destîpêkird, ke teqekirdnêk bû lenêw xonîşandanêkî hêmnaney paş nwêjî heyînîyek.

le mawey çend heftey řaburdû le derewey êran şaxwazan berdewam be aɫay dewɫetewe bo gořînî nařezayetîyekan hewɫdeden û ḧikumetîş lenêwxo be pelamardanî binkekanî opozisyonî çekdar le derewey êran (le herêmî kurdistan/’îraq) û her awa peyřewkirdnî dû ast le serkutkrdn le bilûcistan û kurdistan tunidtr berawrd be şarekanî dîke, hewɫîda hem mîlîşyay ḧizbe çekdare kurdekan bo weɫamdanewey çekdarane řakêşibkat û hem lenêwan řapeřîwanî herêmekanî bilûcistan û kurdistan û azerbayncan û xuzistan letek nêwendî farsî-ziman-nişîn guman û dûberekîy dirûsitbkat. heɫbete hawkatî hewɫekanî ḧikumet, ḧikumetanî pakistan û turkiye û ḧikumetekanî kendawî ‘erebîy le mawey çend dehey řaburdû destekanî xoyan lenêw ew herêmane ke heɫawardinî « ayînî û neteweyî » heye, amadekirdûn û her’êsta xerîkî dinedanî dûberekîy hen. le gişt ewaneş karatir û xiraptr dû dyarden, ke le mawey em çend řoje derkewtûn: yekem teqekirdn û çekdarkirdnî řapeřîn betaybet le herêmekanî derewey nawend. dwem êtnîy-kirdinî xonîşandanekanî hawpiştîy le derewey êran betaybet le orupa, ke xonîşandanî hawpiştîy bes bo řapeřînî herêmêk deken û eweş seretay parçeparçekirdnî řapeřîn û dirûsitkrdnî dûberekîye be handanî neteweçîyetî û selefyetî ayînîy.

ême wêray dijayetî û řiswakirdnî ew hewɫane û hewɫdan bo bergirtn le her hewɫ û boçûn û bangewazêkî dije-şořşane, be gwêrey ezmûngîrîy xoman le mêjûy řapeřînekan û be dyarîkrawîy řapeřînî 1979 çewsawan le êran û řapeřînî 1991 çewsawan le ‘îraq û xonîşandan û řapeřînekanî dwatir, ew serncaney xoman wek pêşinyar û piştîwanî be hawřêyan û hawçînanî xoman le hemû herêmekanî êran pêşkeş dekeyn, taqe amancî ême bergirtne le hewɫî ew deste û layenaney ke xerîkin řapeřînî yekgrtwaney em carey çewsawanî êran be parçe parçey nasîwnalîstîy û be cengî mîlîşyayî degořin.

pêwîste eweş biɫêyn, ke xoşbextane taku ewênderê ême agadarî çalakîyekanî nêwxoy şar û herêmekanî êran heyn, begiştîy astî xohuşyarîy řapeřîwan le astî berpirsyarîy mêjûyî şořişgerane heye û metirsîyekan taku êsta kem hejmûn bûn. beɫam letek eweş nabêt ême ( wek piştîwanîkeranî hawçînanî řapeřîw le êran) kemterxemane dabnîşîn û cimucûɫ û hewɫî řewt û mîlîşya deseɫatixwazekan (le nasîwnalîst û selefî û şaxwaz taku çepî ḧizibgera) nadîde bigrîn, çunke ewane herdem destey amadekraw û şaney xomeɫasderî zilhêzekan û kompanîyekan bûn bo kontiřolkirdn û belařêdabirdnî her xonîşandan û řapeřînêk; dije-şořş hemû katêk le hemû şwênêk le řêgey řewt û ḧizb û milîlîşa deseɫatixwazekan twanîwyetî û detwanêt be qostinewey xoşbaweřîy çewsawanî nahuşyar beser şepol û heɫkişanekanî (şořşî komeɫayetîy) zaɫ bibêt û têkîbişkênêt.

le beranber ew hewɫaney dije-şořş, piştîwanî azadîxwazan û řewt û bizûtnewe dije-serwerkan le astî cîhanîy û le hemû herêmekanî cîhan bo çewsawanî řapeřîw le êran, detwanêt behêzkerî hawsengîy hêz bo berey şořş û her awa karatrîn weɫamdanewe û berengarîkirdnî şořişgerane bêt dijî hewɫekanî dewɫet û sermayedaran, ke her êsta xerîkî amadekirdnî sînaryoy xoyanin bo kontiřoɫkirdnî komeɫî êranî paş řûxanî ḧikumetî êsta.

na bo dewɫet û ḧikumet, na bo çek û mîlîşya, na bo ḧizbayetî, na bo nasîwnalîzim, na bo selefîzim

beɫê bo hawpiştî cîhanîy, beɫê bo řapeřînî komeɫayetîy, beɫê bo xobeřêweberîy komeɫayetîy xocêy hemû herêmekanî êran, beɫê bo fêdralîzmî nadewɫtîy

sekoy enarkîstanî kurdîy-ziman

14y oktoberî 2022

https://linktr.ee/anarkistan

Kurdish (sorani) : نە شا و نە ڕابەری، بڕوخێت سیستەمی سەروەری

Farsi : نه بە شاه و نه بە رهبری، فروپاشی نظام سروری

En français ./ in French : Ni roi ni leader, à bas le système autoritaire

In english : Neither the king nor the leadership, down with the authoritarian system

En español : Ni rey ni liderazgo. Abajo el sistema autoritario