Hawpiştî sekoy enarkîstan bo xiroşane cemawerîyekan le êran

enarkîstekan herdem piştîwanî xiroşanî xoxoyî cemawerîy bûn û hen. xebat û xiroşan û řapeřînî xoxoyî cemawerîy nîşaney heɫkişanî astî nařezayetî û berengarî û xohuşyarîy çewsawane dijî sîstemî zaɫ û deseɫatdaran. herçende nařezayetîyekan û xiroşanekan û řapeřînekan naw û řengî corawcor le xobgrn, beɫam lenêweřokda berngarîbûnewey sitemin, berengarbûnewey milhuřîy deseɫatdaranin, řetkrdnewey sîstemî zordarîy.

řaste hokar û handerî řapeřînewey çewsawan lenêw şarekanî êran kuştinî mehsa emînî (kîjêkî 22 saɫey kurdîy-ziman) bû, ke be geştêk letek xêzanekey bo taran çûbuu û bebyanûy peyřewnekirdnî ḧîcabî îslamî desitgîrkirawe û lêydirawe û ew lêdane bû be hokarî mirdinî û milhuřîyekî aşkira û berçawî deseɫatdaran bû û dunyay hejand. beɫam peyam û kiřokî řapeřînî em care hem nařezayetî bû be kuştinî ew û hem peyamêkî zor řadîkaɫ û sinûrbezên bû, bo nêwxoy êran û cîhan, ke çewsawan her ziman û êtnîy û řegez û taybetmendîyekî kesîyan hebêt, çewsawey destî yek dujimnî çînayetî û yek sîstemin, îdî her naw û řengêkî hebêt.

řapeřînî em care têpeřandin û şikandinî sinûrbendîy řapeřînekanî pêşû bû le barî hizir û bizûtin û amanc, řetkrdnewey efsaney neteweçîyetî bû, weɫamêkî tund bû bo ḧizbekan ke her yeke û be řeng û nawêk çewsanewe nawdebat û her yekeyan be corêk bo arastekirdnî nařezayetîy çewsawan hewɫdedat. řapeřînî em care bes peyamêk bo milhuřanî nêw êran nebû, beɫku hemû milhuřan bû, her awa pêş ewe peyamêk bû bo hemû çewsawan, ke çewsanewe netewe û nejad û řegez û nîştimanî nîye, her awa ke çewsawan netewe û nejad û řegez û nîştimanyan nîye û yek dujimnyan heye, ke ewîş bûnî çînayetîy xoyan û komeɫî çînayetî û seerwerîy çînayetîye; yek amancî bineřetîy û nêwkoyyan heye, azadkrdnî jyan û bûn le sitem û heřeşekanî lenêwçûn, řizgarkirdnî goy zemîne le çepawɫgerîy sermayedaran û le pawangerîy řamyaran.

ême wek sekoy enarkîstanî kurdîy-ziman xoman be beşêk le nařezayetî hemû çewsawanî cîhan le hemû şwênêk dezanîn û le hemû nařezayetî û berengarî û xořêkixstn û řapeřînêkî dijî komeɫ û sîstemî çînayetî le her astêk hebêt, piştîwanî dekeyn û beřadey twanayî û bwar beşdarîy dekeyn.

nařezayetî û xiroşan û řapeřînî sertaserîy em řojane twanî hawkatî řetkrdnedwey hewɫî řamyaran û ḧizbekan bo dabeşkirdn û parçeparçekirdnî nařezayetîyekan û gořînî be berdebazî deselatixwazîy, hengawnanêkî kitupiř û kara bêt bo yekêtîyekî sertaserîy çewsawan.

ême hawxemîy û nařezayetî xoman letek xêzan û dostanî mehsa emînî û gyanbexşanî nêw xonîşandanekan derdebřîn, yadî ew azîzane lay ême berz û nemir demênêt.

serkewtû bêt xebat û xiroşanî çewsawan le şarekanî êran

serkewtû bêt yekêtî çînayetî çewsawan

şikist bo hewɫ û pawangerîyekanî řamyaranî deseɫatdar û opozisyon

biřûxêt serwerîy çînayetî be hemû naw û řengekanîyewe

sekoy enarkîstanî kurdî-ziman

23 sêbtemberî 2022

2 mihir 14001

https://linktr.ee/anarkistan

En français, anglais et kurde (sorani) : Soutien aux protestations et soulèvements de masse en Iran – Support of the Kurdish-Speaking Anarchist Forum for the mass uprisings in Iran -هاوپشتی بۆ خرۆشانە جەماوەرییەکان لە ئێران

Laisser un commentaire

Votre adresse e-mail ne sera pas publiée.